Pages

Sinampura yening kawentenan iwang, ngiring tureksan lan melajah sareng-sareng

Wednesday 5 December 2012

Puisi Bali Anyar


Ampurayang
           Olih: I Wayan Mardiana
Ampura meme, ampura bapa,,,
Ampurayang titiang,,,
Nenten prasida dados pianak sane maguna
Nenten prasida nagingin pikayun rerama
Yen paundukan tresnan meme lan bapa
Tekening padewekan titiang,,,
Minakadi toyane membah
Nenten ja sayan surut tur kapegatang
Menyangkol, menyuwun,,,
Kerase ban titiang menampi
Mirib ngantos mati
Sing sida ban titiang lakar ngawalesin
Ampura meme, ampura bapa
Ampurayang titiang

Lara Hati
                                                                                                   Olih: I Wayan Mardiana
Angin peteng ngesirin raga
Kadirasa nusuk manah keliput duka
Kalara-lara beli ngaba tresna
Ulian trsnane medua para
Adi lempas tekenin janji
Semu manis ane mesisa di hati
Tuah adi jiwatman beli
Ane jani adi suba magedi
Ede nyen malih ragu adi
Ngenehang unduke sane nibenin beli
Depang beli dini pedidi
Kenyeman adine legan beline
Suksma sampun nyakitin adi


TRESNAN I MEME

Olih : Ayuk si'LadyRosses
Uli pusuh ngantos mangkin
Meme setate nyanyangin tiang
Peteng lemah meme ngalih gae
Tuah anggon tiang masekolah

Megantung bok akatih
Meme ngelekadin tiang
Ampurayang dewek titiyang meme
Tan praside ngewales tresnan meme

Dumogi meme tan maselselan
Ngelah pianak buke titiyang
Wantah sukseme sane praside
Aturang titiyang kapining ragan meme

Dini Jani 
  Olih: Vita Novi
sandhibhuta abian tuwuh

sandhikala tegulan angen

bhuta némblés amah kala

ditu malu dini jani

pidan kapan mani puan
angkihan angin angonan

bhuta lima kala ukud

mahakali mahabhuti mah-amah

kula kedat tepuk peteng
 
 
 



Pupulan Puisi Bali Anyar
Sumber : Ang Ah lan Ah Ang, I Made Suarsa.




Ipun Lan Ingsun

Ipun lan ingsun wantah damuh inguh séng kauh
Gipih gupuh ngasorang éwuh pakéwuh
Sabeh agentur kumuh runtuh
Perahu bedau lusuh rapuh malabuh

Getihé sayan ngetih, galihé ngancan ganjih


Siraké makuéh mawéwéh malih
Kantin titiang kantun galih atebih
Katindih sedih matampih-tampih

Ipun matakén sampun kali kénkén

Nincap tengah latri
Sirna musna sahananing sari
Ulah sapari tan paarti





History lan His Story


Pinih patut
Haywa nyatut


Wantah apisan
Tan lebihan

Sampun pastika
Sampunang ngéka daya

Kawon wantah indik
Nénten ngimbuhin ngrincik miyik

Becik gumanti tuduh
Tatan nguwangin nguwangun runtuh

Druwénang sareng sami
Boya drebén padidi

Déning lampah sejarah
Koja kauwah-uwah

Mudah campah mauwah
Satua matah odah pawah.





Juari lan Juara


Tan mari wira-wiri ngura juari
Nyijih nyujuh nyajah juara

Tan kaisinin isin nora juara
Gipih gupuh bari tan juara

Juara tan juara juari
Juari tan juara
Juari juari

Juari riin
Juara kinkin








Pancasila lan Panca Sila


Beda agama
Tan ngrabéda manyama
Tios adat
Paras paros tan pegat
Budaya tan pateh
Tan kekeh pabeneh
Lian basa
Sa bangsa
Gingsal soroh
Gingsih pikenoh
Katah pamatut
Sami asah anut
Anéka kulit
Makanti tan sulit
Bina ika tunggal ika
Tan hana Indonesia mangrwa
Sami karasuk pancasila
Sampunang karusak panca sila




Maceki lan Maca Kidung


Maceki…
Matajen sawai makeles kantos kaki-kaki
Judi yéki
Ngardi pikayunan daki
Manyama braya sai béki
Benyah arabi laki
Baya sidi tan siki
Mriki mataki-taki
Maca kidung
Sekar alit sekar agung
Pucung
Widara gumulung
Ngacep ang mang ung
Sang hyang wisésa asung
Manyama braya adung
Sabayantaka salunglung
Budidaya adiluhung
Jagadhita sarwapranihita pulung.




Kaliyuga

Titi laksana manusa nyemah-nyemah
Malegéndah
Cihna sinah jagaté wayah
Pacing pungkat punah
Karma melah mapala kalah
Mala tiga motah manadah
Laksana munyi manah sami corah
Sad ripu kagugu
Peteng pitu katiru
Yuga tan payoga
Kali nitiakala
Kaliyuga


Miyegan marebat tan pegat-pegat
Marebut kawiryan tan pajangkayan
Tungkas manyama pakraman
Mamati-mati kulawargi
Musuh sengguh kanti
Kanti sengguh musuh
Déwastana sirna tan pakrana


Sentana corah ring yayahréna
Yayahréna parikosa ring sentana
Anak alit purun ring anak lingsir

Anak lingsir tan ingu ring anak alit
Sisia nyampahin nabé
Nabé nyumpahin sisia
Lanag wadu saru
Tepas tastas
Sepat pegat
Gulak katinjak
Sikut luput
Luputing yoga
Liputing kali
Luluting yoga
Kaliyuga


Haywa lila kalika kala
Lala
Haywa lali kalila
Yuga tan kalu makalé
Yuga kanaka kumenyar
Kaliyuga
Kretayuga



Bollywood lan Baliwood


Hollywood
Genah luh-luh luah

Dollywood
Genah luh-luh lulu

Bollywood
Genah luh-luh galuh

Baliwood
Genah luh-luh luih



Nusantara lan Sunantara


Magenah ring katulistiwa
Nusantara mandala
Sarahina katibénin sinar surya
Utarayana utawi daksinayana
Hyang candra wintang biomantara
Pretiwi bayu apah teja akasa
Bukit gunung wrekodara makemit waluya
Alas tukad danu segara
Setata sayaga tan nunén prayatna
Sami sama niwakang rengreng lahru masa
Diingin opek sanusa pada
Makulit sawo si parajana
Élah ngaruruh pangupa jiwa
Tusta déwati déwata nyambehang mreta
Yan utsaha ta larapana
Akéh wong sunantara
Mangupa jiwa malila cita
Ring nusantara


Nusantara lan sunantara tan pasah
Béda kulit bina genah
Wong sunantara kawruhané katah
Wang sunantara seni budayané begah
Makekalih patut saling mlajah
Tan wénten menang kalah
Napi malih saling jajah
Manusa tan pararapan pejah
Negarané latig benyah


Nusantara lan sunantara kardi hyang titah
Patut wantah
Saling asuh saling asih saling asah




Puisi nganggen basa bali alus.                              Tema Budaya
olih : Gung Putri Listiari

Gung Putri Listya (fb)


                                      Taksu Ngulangunin

Daweg lunga ring genah purwa,
Uduh... napike kacingak
Kerasayang sunar nyusup ring kening 
Ngulangunin ati,
 Hening kerasa ring manah,
 Parinamayang tirta sanjiwani ngerangsuk ring angga,
  Sekancan genah asri tanpa wisik,

Sameton sameton sami,
Cingak sesolahan alus banban pengrasan taksu,
Tatayungan lemuh maglayutan tanpa wates ring angga,
Kerasa wirasa ngelitik masikian,
Kenyung manis nyujur manis,
Sledetan kadi tatit,
Agrakara tangan jeriring,

Mikayunang kayun sareng masolah,
Sasolahan wali, balih balihan , panglilacita
Sami ngrarain oneng,
Suka ring ati hening ring manah,

Sesolahan wantah warisan budaya luhur,
Sane patut kelestariang patut kerajegang,
Mangda tan surut taksu sane luhur,
Utamanyane rikala puniki.



Entri Populer